મુંદ્રા તાલુકાના ઝરપરા ખાતે આશાઓની બેઠકમાં બિનચેપી રોગો અંગે સમજણ અપાઈ

ઝરપરા,તા.૨૬: તાજેતરમાં પ્રાથમિક આરોગ્ય કેન્દ્ર ઝરપરા ખાતે યોજાયેલી આશાઓની બેઠકમાં મેડિકલ ઓફિસર ડો. ક્રિષ્નાબેન ઢોલરીયાએ બિનચેપી રોગો અંગે સમજ આપતા જણાવ્યું હતું કે મોઢાની અંદર કોઈ પણ ભાગમાં એક જ જગ્યાએ બે અઠવાડિયાથી વધારે સમય સુધી પીડારહિત ન રૂઝાતું ચાંદુ રહે તો તે  કેન્સરની શરૂઆત હોઈ શકે અને જો તેનું સમયસર નિદાન કરાવીને સારવાર લેવામાં આવે તો ચોક્કસપણે મટી શકે છે.

આ ઉપરાંત બેઠકમાં કોવિડ 19 સર્વે, મેલેરિયા, ડેન્ગ્યુ, ટી. બી., રક્તપિત્ત જેવા રોગો વિશે પણ ચર્ચા કરવામાં આવી હતી અને સ્થાનિક સ્વરાજ્યની ચૂંટણી 2021 દરમ્યાન આશાઓએ બજાવવાની થતી આરોગ્યલક્ષી કામગીરી અંગે તાલીમ આપવામાં આવી હતી. બેઠકમાં કોમ્યુનિટી હેલ્થ ઓફિસર જીતેન્દ્ર મેરિયા, ખુશ્બુબેન અંસારી તથા હેલ્થ સુપરવાઈઝર પ્રકાશ ઠકકર સહયોગી રહ્યા હતા