ગુરુ નું ગૌરવ અને આખું ગામ હિબકે ચડ્યું

25 વર્ષની સેવા પછી લાગણીભરી વિદાય: નવા વલ્લવપુર પ્રાથમિક શાળાના બે પ્રિય શિક્ષકોને ગ્રામજનોએ લાગણીસભર વિદાય આપી

પંચમહાલ જિલ્લાના શહેરા તાલુકાના નવા વલ્લવપુર પ્રાથમિક શાળામાં ભાવનાત્મક દ્રશ્યો વચ્ચે બે સમર્પિત શિક્ષકોને વિદાય આપવામાં આવી હતી. છેલ્લા 22 વર્ષથી વધુ સમયથી શાળામાં નિષ્ઠાપૂર્વક સેવા આપતા શિક્ષક પંકજભાઈ ત્રિવેદી અને શિક્ષિકા હસ્મિતાબેન પટેલની બીજી શાળામાં બદલી થતાં ગામજનો અને શાળા પરિવાર દ્વારા હૃદયસ્પર્શી વિદાય સમારંભનું આયોજન કરવામાં આવ્યું.

કાર્યક્રમની શરૂઆત શાળાના આચાર્ય તથા ઉપસ્થિત મહાનુભાવો દ્વારા દીપ પ્રાગટ્યથી કરવામાં આવી. સમગ્ર કાર્યક્રમ દરમિયાન લાગણી અને સન્માનની અનોખી લાગણી જોવા મળી. શાળાના મુખ્ય શિક્ષક રમેશચંદ્ર પરમાર, ગામના સરપંચ ગણપતભાઈ, ગ્રામજનો અને શાળા પરિવારના સભ્યોએ બન્ને શિક્ષકોને શ્રીફળ, મોમેન્ટો અને સાલ ઓઢાડી સન્માનિત કર્યા હતા.

બન્ને શિક્ષકોના શિક્ષણકાર્ય અને સ્નેહભર્યા સ્વભાવને યાદ કરતા અનેક લોકો ભાવુક બની ગયા. કેટલાકના આંખોમાં આંસુ પણ ઝળહળ્યા, જે તેમના પ્રત્યેના પ્રેમ અને આદરનું જીવંત પ્રતિક હતું. નવા વલ્લવપુર પ્રાથમિક શાળામાં તેમના માર્ગદર્શન હેઠળ અભ્યાસ કરેલા અનેક વિદ્યાર્થીઓ આજે શિક્ષક, ડોક્ટર તેમજ ખાનગી ક્ષેત્રે સફળ કારકિર્દી બનાવી રહ્યા છે. તેમના વ્યક્તિત્વ અને શિક્ષણ પ્રત્યેની લગનનો પ્રભાવ અનેક જીવનોમાં સ્પષ્ટપણે જોવા મળે છે.

વિદાય સમારંભમાં ગામના વડીલો, યુવાનો, હાલ અભ્યાસ કરતા વિદ્યાર્થીઓ, જૂના વિદ્યાર્થી તેમજ બન્ને શિક્ષકોના સગાસંબંધીઓ મોટી સંખ્યામાં ઉપસ્થિત રહ્યા હતા. સમગ્ર ગામના સાક્ષી બની આ વિદાય માત્ર એક કાર્યક્રમ નહીં પરંતુ લાગણીઓથી છલકાતો યાદગાર પ્રસંગ બની રહ્યો.

વાજતે-ગાજતે અને ગૌરવભેર બન્ને શિક્ષકોને વિદાય અપાઈ, સાથે જ સૌએ તેમના ભવિષ્ય માટે શુભકામનાઓ પાઠવી. નવા વલ્લવપુર શાળા પરિવાર માટે આ ક્ષણ ગૌરવ અને વિયોગ – બન્ને ભાવનાઓનું સંમિશ્રણ બની રહી.

અહેવાલ: પ્રીતેશ દરજી, શેહરા,

મો.૭૯૮ ૪૦૭ ૨૦૦૩

અમારી સાથે જોડાવા માટે અહીં ક્લિક કરો.

ધ ન્યુઝ ટાઈમ્સ તમને સમાચારોથી હંમેશા અવગત રાખશે.

ગુજરાતની નંબર 1 ગુજરાતી ન્યૂઝ ચેનલ એટલે ધ ન્યુઝ ટાઈમ્સ (The News Times) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ધ ન્યુઝ ટાઈમ્સ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android એપ. લેટેસ્ટ ન્યૂઝ થી અપડેટ રહેવા માટે સોશ્યિલ મીડિયા પ્લેટફોર્મ પર અમારી સાથે જોડાઓ.