ભારતના પ્રધનમંત્રીશ્રી નરેન્દ્ર મોદીને મારી નાખવાની ધમકી આપનાર સલમાન ની અટક

ભારતના પ્રધનમંત્રીશ્રી નરેન્દ્ર મોદીને મારી નાખવાની ધમકી આપનારા એક વ્યક્તિની દિલ્હી પોલીસે ધરપકડ કરી લીધી છે. ગત રાતે સલમાન નામના વ્યક્તિએ પોલીસને ફોન કરીને પીએમ મોદીને મારી નાખવાની ધમકી આપી હતી. 22 વર્ષીય આરોપીની દિલ્હીના ખજૂરી ખાસ પોલીસ મથકની પોલીસે ધરપકડ કરી છે. દિલ્હી પોલીસના ઉચ્ચઅધિકારીઓ એ આરોપીની પૂછપરછ કરી રહ્યા છે. દિલ્હી પોલીસને વધુમાં જાણવા મળ્યું છે કે, આ આરોપી વિરુદ્ધ અનેક કેસ થયેલા છે અને હાલ તે જામીન પર પર બહાર છે. આરોપીએ પ્રાથમિક પૂછપરછમાં જણાવ્યું કે, જેલ જવા માટે તેણે આ ફોન કર્યો હતો. ગત વર્ષ નવેમ્બરમાં પણ એક વ્યક્તિએ દિલ્હી પોલીસને ફોન કરીને પીએમ નરેન્દ્ર મોદીને મારી નાખવાની ધમકી આપી હતી.ત્યારબાદ પોલીસે આરોપીની દિલ્હીથી ધરપકડ કરી હતી. જ્યારે પોલીસે તે ધમકી આપનાર વ્યક્તિને પકડ્યો તો ખબર પડી કે ધમકી આપનાર વ્યક્તિ દારૂના નશામાં હતો અને નશામાં જ તેણે પોલીસને ફોન કર્યો હતો.