માંડવી વિસ્તારના વધુ ૫ વિસ્તારોને માઈક્રો કન્ટેન્મેન્ટ ઝોન જાહેર કરાયા

માંડવી વિસ્તારના વધુ ૫

વિસ્તારોને માઈક્રો કન્ટેન્મેન્ટ ઝોન જાહેર કરાયા

જિલ્લામાં નોવેલ કોરોના વાયરસ કોવીડ-૧૯ મહામારીના વધતા કેસ વચ્ચે સરકારની માર્ગદર્શિકા અનુસાર માંડવી નગરના નિમ્બાળા શેરીને તા.૨૨/૯ સુધી, માંડવી તાલુકાના કોડાય ગામની પિંજરાઇ વાડીને તા.૨૨/૯ સુધી, માંડવી તાલુકાના બાગ ગામના પઠાણ ફળિયાને તા.૨૨/૯ સુધી, માંડવી તાલુકાના મોટા ભાડીયા ગામના ભાગ ફળિયાને તા.૨૨/૯ સુધી, માંડવી તાલુકાના બાગ ગામના કાલુંભા ફળિયાને તા.૨૨/૯ સુધી માઇક્રો કન્ટેન્મેન્ટ ઝોન જાહેર કરવામાં આવ્યા છે.

આ વિસ્તારમાં સરકારી ફરજ ઉપર સિવાયની તમામ પ્રકારની અવર-જવર પર સંપૂર્ણ પ્રતિબંધ મુકવામાં આવેલ છે. કન્ટેન્મેન્ટ ઝોન/માઈક્રો કન્ટેન્મેન્ટ ઝોન વિસ્તારમાં સવારે ૭ થી સાંજના ૭ વાગ્યા સુધી આવશ્યક સેવાઓ અને જીવન જરૂરિયાતની ચીજવસ્તુઓની વેચાણની પરવાનગી રહેશે.

આ જાહેરનામાનો ભંગ કરનાર પર ડિઝાસ્ટર મેનેજમેન્ટ એકટ કલમ ૫૧ થી ૫૮ તથા ભારતીય દંડ સંહિતાની કલમ ૧૮૮ની જોગવાઇ મુજબ શિક્ષાપાત્ર ઠરશે તેવું મુન્દ્રા-કચ્છ સબ ડીવીઝનલ મેજીસ્ટ્રેટશ્રી કે.જી.ચૌધરી દ્વારા ફરમાવેલ છે.