કચ્છમા કોરોનાના કેસોને કારણે મુન્દ્રા તાલુકામાં હોળી ધુળેટી પર્વની સાદગીપૂર્વક ઉજવણી કરાઈ

રતાડીયા,તા.૩૦: કોરોનાની મહામારીને કારણે મુન્દ્રા તાલુકામાં અસત્ય પર સત્યના વિજયપર્વ હોળીની સાદગીપૂર્વક ઉજવણી કરવામાં આવી હતી. તાલુકાના રતાડીયા ગામે રાજગોર ફળિયામાં દંપતીઓએ પૂજા વિધિ કરીને જ્યારે ગામની હોસ્ટેલમાં વિધાર્થીઓએ ચંદ્રની સાક્ષીએ હોળી ફેરા ફરીને શાળાના સ્ટાફ સાથે સમુહભોજન કરી ઉજવણી કરી હતી. જ્યારે મુન્દ્રાની ક્રિષ્ના સોસાયટી તથા ખારવા ચોકમાં સાદગીપૂર્ણ ઉજવણી કરવામાં આવી હતી. બીજા દિવસે રંગોના પર્વ ધૂળેટીની ઉજવણી હર્ષોઉલ્લાસથી કરવામાં આવી હતી.