વડાપ્રધાનશ્રી નરેન્દ્રભાઇ મોદીના હસ્તે વિશ્વના સૌથી મોટા હાઇબ્રિડ રિન્યુએબલ એનર્જી પાર્કની ધોરડો ખાતેથી ઇ-શિલાન્યાસ વિધિ સંપન્ન

વડાપ્રધાનશ્રી નરેન્દ્રભાઇ મોદીના હસ્તે વિશ્વના સૌથી મોટા હાઇબ્રિડ રિન્યુએબલ એનર્જી પાર્કની ધોરડો ખાતેથી ઇ-શિલાન્યાસ વિધિ સંપન્ન

ભારત-પાકિસ્તાનની આંતરરાષ્ટ્રીય સીમા કચ્છની સરહદે મોટા રણમાં ધર્મશાળા પાસે દુનિયાનું સૌથી મોટું 30 GWનું હાઈબ્રિડ પુનઃપ્રાપ્ય ઊર્જા પાર્કનું ઇ-શિલાન્યાસ વડાપ્રધાનશ્રી નરેન્દ્રભાઇ મોદીના હસ્તે કરવામાં આવ્યું. કચ્છના ધર્મશાળા પાસે ૭૨,૬૦૦ હેકટરમાં ફેલાયેલા આ ઊર્જા પાર્કમાં પવન, સૌર અને ઊર્જા સંગ્રહ માટે એક સમર્પિત હાઇબ્રીડ પાર્કનું વડાપ્રધાનશ્રી નરેન્દ્રભાઇ મોદીએ ધોરડો ખાતેથી શિલાન્યાસની તકતીનું અનાવરણ કર્યું હતું.

આ પ્રસંગે ધર્મશાળા મધ્યે ખાસ ફરજ પરના અધિકારી અને ગીર સોમનાથ જિલ્લાના પુરવઠા અધિકારીશ્રી સુશીલ પરમાર, નખત્રાણા મામલતદારશ્રી વી.કે. સોલંકી, પીજીવીસીએલના એક્ઝીક્યુટીવ એન્જિનીયર શ્રી એમ.કે. વોરાએ સમગ્ર વ્યવસ્થા સંભાળી હતી. આ પ્રસંગે આ સમગ્ર કાર્યક્રમનું સફળ આયોજન મનન ઠક્કર દ્વારા કરાયું હતું.